மவுனம்!

மனதின் இரைச்சலுக்கு இடையே..
அடர்த்தியாய் அழுத்தும் மவுனம்!
இல்லாதது..
செய்தியா மனமா?
நட்புக்கு நேர்ந்தது..
ஊனமா மரணமா?
கேள்விகளின் கேலிக்கு நடுவே
'மிக இயல்பாய்" செல்லுது வாழ்க்கை!!

நட்பும் சுடும்

உன் நட்பின் கதகதப்பில்
இதமாய் சாயத் தொடங்கும்
ஒவ்வொரு முறையும்
திட்டமிட்டோ
திட்டமிடாமலோ
தீயாய் சுட்டுத்
துரத்துகிறாய்!
வலியில் சுருங்கி
விலகிச் சென்றால்
விடாமல் வழி மறித்து
மீண்டும்
நட்புக் கரம் நீட்டுகிறாய்!
அகலவும் விடாமல்
அணுகவும் முடியாமல்
கொல்லாமல் கொல்கிறாய்!
தொடரும் இந்த போராட்டத்தில்
வெல்லப் போவது
நீயாகவோ
நானாகவோ
இல்லாமல்
நம்
நட்பாக இருக்க வேண்டும்
என்றே தவிக்கிறேன்!